..............خليني اتعرف عليك اكثر واوعدك بتقدملك
..........حالتي المادية شوي صعبة حبيبتي واوعدك بتتحسن بعد كم شهر وبتقدملك
........والله العظيم اني ما احب غيرك ولا قادر انساك بس خليني افهمك اكثر وبعدين خير لحد الخطبة ولا تستعجلي
السلام عليكم ورحمة الله وبركاتة
يمكن البداية البعض منكم يضحك عليها ولكن ليش نضحك واحنا عارفين ان هذي حقيقة وواقع ايضا من اكاذيب كثير من الشباب
6 اشهر وانا احبه حب جنوني ولا استطيع النوم الا وانا اسمع صوته
كل يوم انا اتصل فيه عشان اطمن عليه وكل يوم اصحيه حل صلاة الفجر وحل الدوام كأني زوجته صايره او عبيده عندة ..وكل هذا الاهتمام مني للاني احبه واعشقة بجنون
6 اشهر وانا على هذي الحاله ...طلب مني صورتي وشافني على الماسنجر وانا شفته وكان وسيم وحبوب ....اخ ...واذا يطلب مني مبلغ اتصرفله وارسلهن حاله عن طريق ربيعتي او انا اعطية ....
طلب مني التقي فيه ورغم ضروفي والصعوبه ضحيت على شانه وطلعت معاه عدة مرات .. كان مهتم فيني مثل ما مهتمه فيه وكنت اغار عليه كثير واتمنى ربي كل يوم عشان يجمع بينا بالخير
.......... سئلت رجل فاعل خير وقلتله انا احب شخص واوثق فيه واريد اتأكد هل هو جاد في علاقته معاي ؟ ولو اني متأكده انه يحبني بس نختبره .......
هذي مشكلة احد الاخوات واخبرتني بمشكلتها وعطيتها حل
وهذا حوارها مع الذئب :
البنت : اتصل فيني ضروري
الولد: ما عندي رصيد اتصلي
البنت : حبيبي لازم تتقدملي ولو ضروفك صعبه للانه بعد اسبوع بيجو ناس يخطبوني وانا ما اريد غيرك بليز حرك عمرك
الولد: طيب بحاول اشوف الترتيب
البنت مسكينه على قد حالها والشاب جالس يلعب ويتسلى معاها وياخذ الي يريده منها
واخرتها قامت ترسله رسائل عشان يحرك نفسه وايش الي قدر يسويه لكن ما يرد عليها ولا معبرنها وتتصل ولا يرد
اتخيلو بعد 3 ايام او يومين هي جاها مرض شديد للانها ما تعرف عنه شي هل ميت او حي او مريض او ايش سالفته ...واخرتها رد عليها بمسج يقولها (( طز فيك )) ...وبعطيكم امثله اخرى وهي حقيقة وليست امثله ولكن امثلها عليكم على ردود بعض الشباب عشان يوم يشوف مافي مفر من البنت الذكيه في الاواني الاخيره يردو عليها بهذي الردود ....(( ارجوك اتركيني حالتي النفسيه تعبانه))
((احس اني على غلط فما اقدر اتواصل معك )) وهو يوم ما شاف منها فايده راح لغيرها
وغيره من هذي الامثال الواقعيه
ولكي لا انسى تكملة القصه للاخت فقد اصابتها حاله نفسيه وانهيار عصبي وانا بروحي ما اعرف شي عن البنت الا بعد نصف شهر التقيت فيها على الماسنجر وخبرتني بالي جرى معها وعلى حقارة الشاب ...والبنت مسكينه مهتمه فيه وترسله مبالغ بسيطة واتصالاتها وتصحيه ومثل ما قالت كأنها عبيده او زوجته واخر شي 9 ايام منومه بالمشفى ...يعني وين قلب هذا الرجل ؟؟ والله لو انا مكان هذا الشاب او شاب غيره استحي اني اشوف بنت متذلله لي ..يا اخوانا التذلل للمولى عز وجل احنا كلنا عبيد فما يصح نخلي بنت مسكينه او حتى شاب مثل العبيد
فأتقوى الله ولا تنسو الله فوق والله بيقلبها عليكم في يوم من الايام اما في زوجتك او اختك او ابنتك
النقاش والحوار لم ينتهي ولكن ما رئيك اخي القارئ في الموضوع وبالتحديد ما هي النقاط المهمة وايجابياتها لك في الموضوع ؟
وهل لديك استفسارات ؟
مع تحياتي
عاشق تراب فلسطين
الجمعة سبتمبر 19, 2008 2:21 am
