كلمة بحبك ...
يمكن في زماننا هادا كلشي فقد قيمته ...
حتى كلمة بحبك بطلت تسوى ...
ليش الكل صار يحكيها ويتداولها باستخفاف !!! ...
الحب مش حلو يكون اكتر من مرة او مرتين في العمر ...
أما اليوم بنلاقي الإنسان صار يحب عشرة وعشرين ...
كل يوم يومين قصة حب شكل ...
الشب بيحكي للبنت بحبك مرات كتير ، والبنت بتحكيها للشب كمان مرات ...
وبتخلص قصة الحب ، وبتصير قصة حب تانية ، وفي كل حب جديد كلمة بحبك ...
مش حلوة تكون كلمة بحبك رخيصة كل هالأد عشان تسمعها لمية بنت ...
مش حلوة وانت كل يوم واقع بقصة حب شكل ...
انت قتلت الحب وقلت معناه وقيمته...
ليش الواحد قبل الزواج بكون حاكي بحبك لأكتر من وحدة قبل ما يحكيها لزوجته ، وكمان البنت هيك ، مش حلوة تكون حاكية لعشر شباب بحبك من قبل زوجها ...
شو حلوة كلمة بحبك لما تنقال بس مرة وحدة ، لإنسان واحد ، لخطيبتك أو زوجتك ... لخطيبك أو زوجك ...
لإنو هالكلمة الحلوة لازم ما تتطلع لأي حدا ...
لإنها ازا طلعت لأي حدا رح تفقد حلاوتها وقيمتها ...
تخيلو معي ، ما أحلاها لما تكون انت متأكد انو خطيبتك بعمرها ما قالت بحبك لحدا غيرك ...
وانتي ، تخيلي ما أحلاها كلمة بحبك لما يكون خطيبك مش حاكيها بعمره لبنت غيرك...
مش حلوة بكرة انت وخطيبتك تقعد وتقول الها انا قلت بحبك لعشرة قبلك ، شو رح تحس في نفسها ، رح تحكي أكيد انو الحب معك ما بيعمر كتير ، ورح تفقد الثقة فيك ...
كلمة بحبك صارت سهلة كتير اليوم انها تنحكى ...
للأسف...
بتمنى أسمع رأيكم بالموضوع ، لإنو الشغلة كتير في أيامنا هاي زادت عن حدها ...
الجمعة أكتوبر 03, 2008 2:12 pm
