اللهجات المحليه.....

اللهجات المحليه.....

كيف يقولونها ؟

* في اربد يقولونها هكذا :-
الأب : منو اللي ع الشجرة ؟
الابن : هاظا اني يابا اسماعيل مالك بطلت تعرفني ..
الأب : يا أم احمد دوك ابنش اسماعيل ع الشجرة اسع أيات بوقع وبتنكسر ايده ... J
الأم : يا زلمه مالك , مال غضبك خلي الولد يلعب ( الميم في كلمة مالك مفخمه).

* في الكرك يقولونها هكذا :
الأب : منو اللي فوق الشجرة.
الابن : علامك يابا انت انعميت , هذا أنا ' ضيف الله '.
الأب : والله لألعن صباح ابوك, طيح عن الشجرة يا ملعون الوالدين لا تقع وبعدين انقوم نقل فيك ع الدكاتره.
الابن : ما ودي أطيح ...
الأب : والله ود اللي يسطح بطنك ان شاء الله. يا أم محمد روحي طيحي ابنك لامزع رقبتك ورقبته.

* في الخليل يقولونها هكذا :
الأب : محمآد ولك انزآل ل ل عن الشجر آآه ....
الابن : شو حكييييت.
الأب : بؤلك انزل هلأ بضربك بالساطوووووووور.
الابن : روح اضرب حاآآآآآآآلك.
الاب : يووووووووه ..... ام م م م محمآااد تعالي شوفي ابنك ضناكيييي ..... مش رآاادي ينزآل.
الأم : ابو محمآااد الله يؤصف عمرآاااك وعمر ولادك , انا بدي اشتغل فيكووو هئيتاآاااه .

* في عمان الغربية ' عبدون ' يقولونها هكذا :
الام : ماما سمير انزل عن الشجرة هلأ بتوئع وبتنكسر ايدك وبصير عندك واوا
الابن : ماما , معليش خليني please يا ماما.
الأم : والله يا ماما انا خايفه عليك... يالله يا حبيبي مشان الماما انزل بس هالمره ... حبيبي سوسو ... دلوعة الماما.
الابن : ( يبدو غاضبا ) طيب ماما هيني نازل بس وحياتك اليوم مش رايح اشرب الحليب ولا راح آكلmy launch .؟؟؟

هههههههههههههههههههههههههههههه
تحفه بجد هالهجات
تسلم ايديك يا الجنه المقفله
تقبل مروري
ليالي

والله حلوه كتيرههههههههههههه يا الجنة المقفله بتعرف بكل البلدان في هيك اشيا زينا يعني احنا بمنطقتنا بنحكي اني مش انا و في ناس بضلها تتمسخر
بس بصراحه انا كتير بكون فخوره بلهجتي و في كمان لهجات تانيه بس صعب كتير الواحد يتعلمها يعني حتى لو تعلمتها ما رح تعرف تنطقها زيهم عندهم بتكون اها رنه خاصه و حلوه
يسلمو على الموضوع