هذه الكلمات وجدتها في احدى المنتديات وهي عبارة عن حوار بين كاتب هذه الكلمات وبين غزة
وددت نقلها لكم لكي تشعرو معنا نحن اخوانكم في فلسطين ومع اخوتيواهلي في غزة الصمود
رسالة من غزة الى كل متخاذل فى حقها !!
رسالة من غزة الى حكام وملوك العرب ومواقف الخزى المتكرر كالعاده ..
رسالة من غزة الى ضمير العالم وبالاخص العالم العربى..
رسالة الى حقوق الانسان ..
رسالة الى الامم المتحده (متحده لنصرة امريكا واسرائيل فقط )
-------------------------------------------------------------------------
" رسالة من غزة "
-----------------------------------
نسج الظلام خيطه على غزة غطاها
نزلت دموعى بتصرخ والآهه حضناها
قلبك ياغزة بينزف والدم بتبخر
وانا قلبى جوا حزين ندمان وبتحسر
انتى املنا فى بكرة والنصر جى اكيد
قالت بحرقه كفايه طول عمرى قلبى عنيد
بس الجراح فيه بتوجع من الظلم والتهويد
كنا زمان اسياد دلوقتى احنا عبيد
انا قولت اعمل ايه ؟ جرحك قسم قلبى
عيشتى سنين صابرة فى الدمعه بتخبى
وكل يوم فيه شهيد ودا ذنبه فى رقابتى
زعلك ببكينى عطشك بيقتلنى
لو دمى يرويكى هروى ترابك منه
قبلى ولادك كانوا بدمهم جاهزين
ولا شبر من ارضك يعيش عليه ملاعين
نجم السما العالى نزف الدموع على حالك
طبط عليكى بنوره مالك ياغزة مالك
والشمس رافضه تروح خايفه عليكى الليل
فى الظلمه تبقى لوحدك ولا ليكى اى دليل
وكل دول حسوا !! بيكى ياغزة ياغالية
بس العرب نايمين فوق القصور العاليه
امتى العرب هيحسوا ان النزيف زايد ؟
وان الغضب فى قلوبنا من حرقته آيد ؟
قالت بصوت منبوح اسكت ياولدى اسكت
ارجوك بقى كفاية صمت العرب بيشيب
سبنى اوام وارحل يابن العرب ياطيب
وقول لهم خليكوا ولا تسألوا فيا
بعتونى ياما كتير والخونه داسوا عليا
ولدى اللى من صلبى يوم ما اتولد عاش ليا
باع الرخيص والغالى قدم حياته هديه
شال السلاح صان عرضه من كل كلب خسيس
رعب القلوب بحجارته شال ارضه من التدنيس
اما انتوا خليكوا فوق فى القصور العاليه
ولاعمركوا هتحسوا بجراحى لو ثانيه
ولا تسألوا فيا !! ولاتسألوا فيا !!
الأحد ديسمبر 28, 2008 7:39 am